Siglir tar il cuntegn

Header

La staziun da la Viafier Retica da Valendau-Sagogn amez la Ruinaulta
Legenda: La Pro Natura na vul betg ina senda da viandar che maina tras la Ruinaulta sin l’autezza dal Rein. RTR, L. Livers
cuntegn

Surselva 20 posiziuns cunter plan directiv da la Ruinaulta

Cunter il plan directiv da la Ruinaulta ha quai dà radund 20 posiziuns suenter che la consultaziun è a fin.

En quest plan duai vegnir reglà co ch'ins po far diever da la Ruinaulta en l’avegnir. Davent dals chauns che ston vegnir mess en chadaina fin tar las sendas che mainan tras quella regiun è tut reglà en il plan directiv.

Pro Natura è la dira nusch

Tenor Urs Giezendanner, il responsabel da la regiun Surselva, è la dira nusch la posiziun da la Pro Natura. Quella na vul nagina senda da viandar sin l'autezza dal Rain. Il territorri stoppia restar protegì. Fin l'auter onn vegn ina gruppa da lavur ad elavurar e reglar questas posiziuns.

Punt tranter Schluein e Castrisch n'è betg pertutgada

Betg pertutgada dal nov plan directiv è la punt planisada tranter Schluein e Castrisch. Questa punt è gia in pass vinavant ed è inoltrada sco project tar il chantun.

La punt existenta vegn be nizzegiada auter e perquai na vegn ella betg tractada el plan directiv nov. Tut ils auters projects en la Ruinaulta ston spetgar fin ch'il plan directiv è sut tetg e quai savess anc cuzzar, manegia Urs Giezendanner.

RR novitads 06:00

Artitgels legids il pli savens

Scrollar a sanestra Scrollar a dretga