Sco Simon Rageth da la viafier retica ha confermà era il tren, in Glacier Express, en direcziun da Cuira. Curt suenter la partenza a Mustér è el collidà cun la muntanera sur il vitg da Disla. Las nursas eran scappadas ord il claus.
Ina excepziun
Collisiuns da trens cun animals da niz sajan ina excepziun, cumpareglià cun las collisiuns cun animals selvadis ch’i dettia tranter 150 e 200 cas ad onn, ha confermà Rageth da la viafier retica. Per il pur n’haja quai naginas consequenzas giuridicas. Sco il pur e possessur da la muntanera ha confermà na saja tals animals manidels betg assicurads uschia ch'el na possia betg quintar cun daners da sia assicuranza. Era saja probabel ch'el stoppia surpigliar ils custs per nettegiar la locomotiva, ha ditg il pur pertutgà.
Il tren haja cun in retard d’in quart d’ura cuntinuà ses viadi en direcziun da Cuira.
RR novitads 14:00