Siglir tar il cuntegn

Surselva 25avla Festa chantunala da tir

Las proximas trais fin d’emnas è la Surselva il Mecca dal sport da tir. Venderdi ha numnadamain la Festa chantunala da tir en Surselva cumenzà. Cun musica e pleds festivs è sonda avantmezdi dentant vegnida averta la festa uffizialmain a Trun.

Grafica cun cifras e fatgs da la festa da tir.
Legenda: Intgins fatgs tar il Tir chantunal en Surselva. RTR

Radund 8’000 tiraduras e tiradurs da l’entira Svizra èn s'annunziads per la Festa chantunala da tir en Surselva. Sajettà vegn en 14 differents stans da tir da Flem fin Sedrun. Il center da festa, vul dir là nua che tut ils resultats sajettads vegnan ensemen e là nua ch'ils premis en exponids è l’anteriur deposit dal militar a Rueun.

Tirs spezials

Durant ils 10 dis ch'i vegn sajettà en il rom da la Festa chantunala da tir han era lieu tirs spezials. Uschè per exempel la cumpetiziun da militar ch'è questa gievgia. Durant quel di sa mesiran schuldads, daziers e policists en il sport da sajettar.

Legende: Video 25avla Festa chantunala da tir abspielen. Laufzeit 2:41 Minuten.
Or da Actualitad video dals 16.06.2018.