Siglir tar il cuntegn

Header

cuntegn

30 onns «Las Patlaunas» Tschaiver da giubileum cun numerus aspectaturs e participants

Avant 23 onns è la davosa giada vegnì fatg canera durant il di a Breil en Surselva. Sin il giubileum da «Las Patlaunas» è quai sa midà.

Otg musicas da tschaiver han prendì part a la festa da giubileum da «Las Patlaunas» da Breil. Set èn dals conturns, ina è vegnida si da la Bassa. Vitiers han era 18 gruppas prendì part al til, tranter auter tut las classas da scola da Breil e Danis, ma era differentas uniuns sco per exempel il Chor viril u la Societad da musica Breil/Dardin.

Jau sun fitg cuntent ch'uschè blera glieud è vegnida si Breil per festivar il tschaiver.
Autur: Ivan Muoth dal comité d'organisaziun
audio
Bunura: Breil – L'emprim til da tschaiver dapi 23 onns
ord Actualitad dals 27.01.2020.
laschar ir. Durada: 4 minutas 30 Secundas.

Grazia a la bellezza aura ha tut funcziunà sco planisà. L’emprim il til, lura ina sentupada ordador sin il plaz pausa, nua ch'in pèr guggas han sunà e nua ch’igl ha dà liongias, punsch e vin chaud. Suenter hai er dà ina disco per uffants en la halla da gimnastica, tschaina e lura il concert monstrus cun in marsch da staila sper la baselgia. Per finir han ins suenter fatg festa en la halla da gimnastica.

Ina gruppa d’anteriurs commembers

Ils «Oldies», quai è la musica da tschaiver ch’è extra sa messa ensemen per il giubileum. Ella exista ord anteriurs commembers da «Las Patlaunas». Els han trenà ensemen tschintg giadas e sunà durant il di e la saira. Dentant datti quella mo per il tschaiver a Breil. Els han era gì en costums vegls da la gugga.

Ils anteriurs commembers cun costums vegls.
Legenda: Ils «Oldies», anteriurs commembers cun costums vegls. MAD

RTR novitads 07:00

Artitgels legids il pli savens