Siglir tar il cuntegn

Header

cuntegn

30 onns orcan Vivian Il guaud da Curaglia era giun plaun

Il guaud da Curaglia era giun plaun, las plantas giaschevan en tuttas direcziuns.
Autur: Corsin FleppSelvicultur da Medel

1990 ha l’orcan Vivian chaschunà gronds donns surtut en Sursassiala. En questa regiun èn 170’983m³ laina vegnids derschids. A Mustér èn quai stads 108’224m³, en Val Medel 48’431m³, en Tujetsch 14’328m³.

Passa 48'000m³ en Val Medel, quai saja il quantum ch’els pinian en 25 onns, di il selvicultur Corsin Flepp. Il guaud da protecziun sur Curaglia è vegnì destruì. En questa situaziun sajan els stads leds che l’Uffizi chantunal da guaud haja gidà e cusseglià. Ed impressaris han gidà a far las lavurs en il territori destruì.

Construir paralavinas e plantar pignola

Las emprimas lavurs èn stadas dad inventarisar ils donns e da far liber las vias per pudair rumir la laina. Ed alura han ins construì paralavinas per proteger il vitg da Curaglia. In’autra lavur impurtanta è stada da plantar plantinas – surtut pigns, mo per part era lareschs, schembers e plantas da feglia. Dal 1991 fin il 2002 èn 50’000 plantinas vegnidas messas en il territori che duai proteger Curaglia. En l’entira vischnanca 96’000 plantinas.

Oz è il guaud puspè sa revegnì. Ma Corsin Flepp fa attent a la sfida che spetga en l’avegnir:

La sfida gronda èn privels da la natira e la midada dal clima. Nus vesain en il guaud che quella vegn.
Autur: Corsin FleppSelvicultur da Medel

RTR actualitad 07:00

Artitgels legì il pli savens

Nach links scrollen Nach rechts scrollen