Siglir tar il cuntegn

Header

Video
Chasas miniature a Sedrun
Or da Telesguard dals 13.09.2016.
laschar ir
cuntegn

Surselva 4'000 schlondas per in tetg

Albert Cavegn-Deplaz (1931-2001) ha construì bajetgs da Tujetsch en miniatura 1:20. Quels èn uss exponì en il faner sper il Museum La Truaisch a Sedrun.

Cumparegliaziun dal maletgs

Stuschar reglader a sanester Stuschar reglader a dretg
Legenda:Clavà dal schuldà a Dieni

Cun ses hobi ha Albert Cavegn cumenzà 1987. L’emprim ha el fatg in clavà da fantasia. El lavurava surtut l’enviern, cura ch’el n'aveva betg blera lavur en sia professiun sco miradur e polier (el ha era gì sez ina interpresa da construcziun).

Cumparegliaziun dal maletgs

Stuschar reglader a sanester Stuschar reglader a dretg
Legenda:Chasa a Surrein (Tujetsch)
Maria Cavegn davant ina da las chasas en miniatura.
Legenda: Maria Cavegn RTR, H. Giger

La dunna fascheva fotografias

Sia dunna Maria gidava el. Ella fascheva las fotografias dals bajetgs. Per construir ina chasa stueva Albert Cavegn impunder ca. 400 uras; per far in tetg duvrava el ca. 4'000 schlondas. El lavurava cun materials originals, perfin la colur era originala.

Cumparegliaziun dal maletgs

Stuschar reglader a sanester Stuschar reglader a dretg
Legenda:Chaplutta da Nossadunna a Zarcuns

Finamira da construir in vitg

Sia finamira era da construir in vitg tuatschin, di sia dunna. Gugent avess el era fatg ina copia da l’hotel la Cruna a Sedrun, mo quai na saja betg grategià.
Cun l’exposiziun va in giavisch da l’artist tuatschin en vigur. I saja stà ses giavisch, che ses bajetgs vegnian mussads a la populaziun, di sia dunna.

Cumparegliaziun dal maletgs

Stuschar reglader a sanester Stuschar reglader a dretg
Legenda:Chasa a Zarcuns (Tujetsch)

RTR/hg

Artitgels legì il pli savens

Nach links scrollen Nach rechts scrollen