Dà da discutar han surtut dumondas sco: sch’i dovria insumma ina lescha, sche persunas che abiteschian lunsch davent, stoppian era pajar tant sco autras en il center, ni era sche la tariffa da 400 francs ad onn per in parcadi public na saja betg memia auta.
Ademplir tscherts criteris
La lescha da parcar per la vischnanca da Trun duess tenor la suprastanza communala e la cumissiun ademplir ils suandants criteris tenor il messadi:
- urden simpel
- varianta simpla da controllar
- bass custs da la realisar e controllar
- resguardar la durada da parcar
- valair per l’entira vischnanca da Trun
- pussibilitar a la vischnanca da reservar parcadis per occurrenzas grondas
- betg tegnair davent turists e giasts ch’èn per in curt temp a Trun
Ina lescha gea - mo en tge furma
Il gerà da selvicultura e da vias, Curdin Tuor, ch'ha preschentà la lescha al cussegl da vischnanca, manegia che quai dovria ina lescha da parcar. Ins possia dentant discutar, en tge furma che questa duess esser. Dad ina vart possian els schliar cun ina lescha situaziuns malsegiras cun ina basa legala, da l’autra vart duessan tuts pajar tenor il principi da chaschunader – saja quai possessurs d’abitaziuns, saja quai persunas che vivan en las fracziuns pli allontanadas.
Tariffa pli favuraivla per vehichels da duas rodas
La tariffa munta a 400 francs ad onn per in parcadi public. Sco Curdin Tuor di, na veglian els dentant betg far pajar persunas che han vehichels cun duas rodas tant sco persunas cun autos. Era a Scuol en l'Engiadina Bassa vegnia quai discutà sur da la situaziun da parcar.
Ils parcadis publics
Tenor il plan general d’avertura e tenor la discussiun en la cumissiun valan suandants parcadis sco parcadis publics.
RR actualitad 11:00
