Siglir tar il cuntegn

Header

cuntegn

Surselva 5,5 milliuns per la destinaziun turistica da Flem-Laax-Falera

Il contract per la Flem-Laax-Falera Management SA è suttascrit. L’organisaziun turistica survegn 5,5 milliuns francs respectiv 76 % da la taxa da turissem e da giasts (en tut incasseschan las trais vischnancas 7 milliuns).

audio
Mezdi: Contract destinaziun Flem Laax Falera
ord Actualitad dals 14.12.2015.
laschar ir. Durada: 2 minutas 27 Secundas.

Flem sto dar a la FLFM 2,7 milliuns, Laax 1,9 milliuns e Falera ca. 820'000 francs.

L’autra part dals daners da la taxa, 24 % ubain 1,5 milliuns, salvan las trais vischnancas per promover il turissem communal. Mo sco il president da vischnanca da Falera Wendelin Casutt ha ditg ad RTR na tanschian ils daners ch’els salvian (ca. 260'000 fr) betg per finanziar l’entira infrastructura turistica. Falera impundia en tut in mez milliun francs per ex. per sendas da viandar, cun prestaziuns dal lavurers communals ubain per la Fermata.

Set partenaris

En il contract da la FLFM èn 7 partenaris: Sper las trais vischnancas èn anc l’Arena Alva, il hotel Waldhaus e las uniuns da commerzi e da hoteliers.

A la testa stat in cussegl d’administraziun (en quels èn ils trais presidents communals) ed in directur. Il contract cuzza fin ils 30 d’avrigl 2018.

Artitgels legids il pli savens