Siglir tar il cuntegn

Header

video
50 onns Pendicularas Mustér
Or da Telesguard dals 23.12.2021.
abspielen. Laufzeit 4 minutas 54 Sekunden.
cuntegn

50 onns pendicularas Mustér pudess festivar sia «BeDe»

Dapi 50 onns pon ins ir cun skis davent da 1'800 meters a Caischavedra fin a 3'000 meters al Piz Aut. La festa da giubileum ils 24 da december 2021 è dentant spustada pervia da corona.

audio
50 onns pendicularas Mustér: In sguard en l'istorgia
aus Actualitad vom 23.12.2021.
abspielen. Laufzeit 3 minutas 4 Sekunden.

L’idea da nizzegiar il territori a Mustér per ir cun skis era vegnida da l'interprendider indigen Pius Condrau e da l’investider tudestg Heinz Capelle. Durant in’excursiun hajan els scuvert quest territori, hai num. Alura han els, ensemen cun Professer Walter Wittmann ed il president da l’Uniun da cura Alexi Sialm, fundà in comité d’iniziativa per realisar lur visiun.

Insatge incredibel

Ignaz Deflorin da Mustér aveva 15 onns, cura che las pendicularas han avert il territori da skis. Perquai ch'el era stà ad alp en la cuntrada, aveva el vis, co ils lavurers planavan la pista cun grondas maschinas.

Quai deva ina tensiun, in tschaffen a mai da sa preparar per ir cun skis.
Autur: Ignaz Deflorin skiunz passiunà

A partir da l'enviern da 1971/72 pudevan scolaras e scolars ir cun skis cun la «bédé» – co ils indigens numnan las pendicularas da Mustér. Uschia na stuevan els betg pli far pistas a pe ubain ir cun in pitschen runal. Las sondas, dumengias e mesemnas suentermezdi gievan ils blers sin pista, e quai fin ch'ils runals serravan.

audio
50 onns pendicularas Mustér: Ignaz Deflorin sa regorda
aus Actualitad vom 23.12.2021.
abspielen. Laufzeit 3 minutas 11 Sekunden.
Jau na sai betg, danunder ch'ins prendeva la cundiziun. Ma quai era belleza.
Autur: Ignaz Deflorin

La passiun è restada. Fin oz va Ignaz Deflorin cun skis en il territori da Caischavedra – Parlets – Piz Aut.

Svilups en il territori da skis

Dapi il 2014 è l’investider Marcus Weber acziunari principal da las pendicularas da Mustér. Dapi lura marscha bler. Uschia ha el realisà il resort Catrina, sco er in'ulteriura pendiculara da Salins sin il Cuolm da Vi. Era l’ennavaziun – ch’era fin lura dal tut natirala – è ussa artifiziala sin ina part dal territori. In'ulteriura finamira fiss d’ennavar las pistas che mainan da Caischavedra fin en il vitg. Per quai veglian els turbinar l’aua per pudair profitar da l'indriz durant l'entira stagiun da skis, ha ditg il directur Stefan Arnold.

Il restaurant a Caischavedra vegn engrondì

En la gastronomia vesa il directur il pli grond potenzial da svilup. Uschia èsi planisà d’engrondir il restaurant a Caischavedra gia la stad proxima. Era sin il Cuolm da Vi duai dar in restaurant. Fin ussa mancan dentant las lubientschas necessarias.

audio
50 onns pendicularas Mustér: In sguard en il futur
aus Actualitad vom 23.12.2021.
abspielen. Laufzeit 3 minutas 56 Sekunden.

Ina purschida da scarsolas

Plinavant vulan las pendicularas da Mustér realisar in trassé per scarsolas. Uschia vulan ellas attrair dapli famiglias cun uffants sco giasts futurs.

In sguard en l'istorgia

Avrir la box Serrar la box
  • 1962: La vischnanca da Mustér conceda il dretg da bajegiar a Pius Condrau.
  • 1963: La Confederaziun dat la concessiun.
  • 1969: Fundà la societad Pendicularas Mustér SA cun in chapital d’aczias da 4 milliuns francs (1971 auzà sin 8,8 milliuns).
  • 1970: Entschatta da las lavurs.
  • 1971 fenadur: Hotel Acla da Fontauna arva las portas cun 720 letgs e blers giasts da la Belgia. Construì l'hotel ha Arnold Mathis, affità quel ha la Intersoc. 2001 serra l'Acla da Fontauna puspè las portas.
  • december 1971: Avertura da la pendiculara, dal restaurant a Caischavedra e dals runals Gendusas e Lai Alv.
  • 1972: Avertura runal Lai Alv – Piz Aut e restaurant Lai Alv.
  • 1987: Sutgera Parlet.
  • 2006/2007: Nova pendiculara cun investiziuns dad 8,3 milliuns francs.
  • 2014: La BD Management Holding SA (represchentant: Marcus Weber) cumpra las aczias da la fundatura, la Arenberg Beteiligungs Gmbh da Düsseldorf.
  • avrigl 2019: La pendiculara da Salins – Cuolm da Vi collia il territori da skis da Mustér cun il territori da skis Sedrun/Andermatt.

RTR actualitad 07:00

Artitgels legids il pli savens

Scrollar a sanestra Scrollar a dretga