52,5 milliuns per il territori da skis Sursaissa Mundaun

Ils proxims onns duain vegnir realisadas pliras ideas per novas purschidas en il territori da skis Sursaissa Mundaun. Per finanziar questas ideas duai vegnir fundà ina societad che surpiglia l'infrastructura da las pendicularas.

Laschar ir video «Sursaissa Mundaun cun masterplan da 52 milliuns»

Sursaissa Mundaun cun masterplan da 52 milliuns

3:01 min, Telesguard dals 2.12.2016

Il Masterplan «Rund um den Mundaun» è vegni elavurà da las pendicularas ensemen cun ils presidents communals da las vischnancas da Sursaissa, Lumnezia e Glion. Il plan preveda 10 novs projects per augmentar l’attractivitad da la regiun da stad ed era d’enviern. Tenor in emprima valitaziun muntan ils custs totals per questas novas purschidas a 52,5 milliuns francs che vegnan repartids sin sis enfin set onns.

L'interess a Glion è stà grond. Avrir maletg en lightbox.

Legenda da maletgs: L'interess a Glion è stà grond. RTR, Carlo Albin

Ils 10 projects da las pendicularas Sursaissa Mundaun

project
custs en francs svizzers
stagiun
renovaziun implants da transport Misanenga - Stein
18,50 miu.
enviern
ennavader Piz Mundaun
4,00 miu.
enviern
illuminaziun pista da trenament permanenta
(anc betg planisà, fiss 1-2 miu.)
enviern
avertura territori Alp Nova / Um Su
17,25 miu.
enviern
pista da scursalar (Rodelbahn)
3,00 miu.
stad
tur da raiver
0,75 miu.
stad
pista da tubing
0,20 miu.
stad
senda da viandar dal Piz Mundaun enfin il Piz Sezner
0,15 miu.
stad
purschida da basa per velos da muntogna
0,20 miu.
stad
nov restaurant sin il Piz Mundaun
(anc betg planisà, fiss 1,75 miu.)
entir onn

Finanziaziun entras vischnancas

Per finanziar questa summa è previs da fundar la «Societad d’infrastructura Mundaun SA». La societad tutgass per gronda part a las vischnancas Sursaissa Mundaun, Lumnezia e Glion e cumprass infrastructura da las pendicularas, p.ex. ils indrizs da far naiv artifiziala.Las pendicularas pajassan a la societad in tschains per nizzegiar l'infrastructura e mantegnessan quella.

La societad da sia vart avess da pajar per la modernisaziun da l’infrastructura existenta e per la realisaziun da nova infrastructura. Uschia duess il territori da skis Sursaissa Mundaun daventar pli cumpetitivs.

Roland Zegg, Josef Brunner, Aurelio Casanova, Duri Blumenthal e Ernst Sax (da san.). Bild in Lightbox öffnen.

Legenda da maletgs: Roland Zegg, Josef Brunner, Aurelio Casanova, Duri Blumenthal ed Ernst Sax (da san.). RTR, Carlo Albin

RR Actualitad 07:00