Siglir tar il cuntegn
cuntegn

Surselva 5G a Laax dentant be per testar

Utilisaders sco ti ed jau na pon anc betg far diever da questa nova purschida.

Atgnamain n'è la rait da 5G anc betg existenta en Svizra. Pir l'auter onn vegnan ingiantadas las frequenzas per questa rait. La novaziun che Sunrise e l'Arena Alva han fatg sin quest enviern è in'acziun da prestige. Reto Gurtner vul mussar che l'Arena Alva è innovativa.

  • Il territori da skis da Laax survegn la rait da 5G en ina fasa da test.
  • Per ils utilisaders na datti anc betg telefonins cumpatibels.
  • Ingiantadas vegnan las frequenzas da 5G il 2019.

Impurtant per il Grischun

Jon Erni il mainagestiun da «Mia Engiadina» è persvas che questa acziun gidia il Grischun, ed el manegia ch'il Grischun dovria pliras opziuns. In'opziun stoppia esser 5G, l'autra la fibra da vaider fin en chasa.

Uschia possia mintga vischnanca eleger tge che fa senn per ella. En mintga cas possian ins quintar ch'il tempo da la rait vegn a crescher considerablamain. La fin finala decidia il client tge spertadad ch'el vul.

RR actualitad 11:00