Siglir tar il cuntegn
cuntegn

Surselva 6 lufs sut Falera

Sut Falera ha ina dunna fotografà in triep da sis lufs.

La chasa dals Casutts sa chatta a l'ur dal vitg da Falera ed ins vesa encunter Schluein. Betg mal surstada è Doris Casutt-Wehrli stada cura ch'ella ha guardà da fanestra ora la damaun. In triep da lufs spassegiava gest sut sia chasa ora. Immediat ha ella clamà la feglia Fabia e lezza ha fotografà ils lufs. Omaduas han smirveglià da lur aventura ed han orientà il survegliader da chatscha. Sco ellas han raquintà, tschertga lez fastizs per approvar da tge triep da luf ch'i sa tracta. Envers RTR n'ha il survegliader da chatscha betg prendì posiziun.

Doris e Fabia Casutt èn en mintga cas stadas ledas ch'ellas han fotografà quest eveniment per uschia pudair documentar quai ch'ellas han vis. Senza quellas fotografias han ellas manegià, ch'ellas fissan sezzas sa dumandadas sche quai ch'ellas han vis è propi stà vair.