L'agricultura en la Val Stussavgia duai sa diversifitgar e per quai metta la regenza a disposiziun radund 950'000 francs.
Ozendi saja l'allevament da muvel dominant en la vischnanca Stussavgia, scriva la regenza. In project prevesa uss da schlargiar la paletta dals products agriculs e da l'agroturissem. La finamira saja da procurar che famiglias possian vinavant lavurar e viver en la val.
Part dal project fan 20 projects parzials che sa basan per part sin structuras existentas e sin purtaders avant maun, ma che cuntegna per part er novas ideas commerzialas. L'element central da quai è il project parzial «Berghotel Alpenblick Tenna». Tenor il concept da gestiun repassà duai l'hotel sa posiziunar cun 100% products regiunals sin il plat.