Siglir tar il cuntegn

Header

Navigaziun

cuntegn

Surselva A Breil han stuì vegnir deliberadas 13 persunas d'ina sutgera

Sin la sutgera da Breil a Crest Falla gieva dumengia suentermezdi nagut - ina squadra da salvament ha liberà las 13 persunas che eran sin la sutgera.

Skis sin ina sutgera cun umbriva da sutgeras.
Legenda: 13 skiunzs e snowboardists han stuì prender ina via nunusitada giu da la sutgera. (maletg simbolic) Keystone

Il defect è capità vid la sutgera che va da Breil a Crest Falla. In alver da tracziun (Antriebswelle) era ruts la dumengia suentermezdi. Uschia ch'ils umens da la squadra da salvament han stuì raiver sin las sutgeras e deliberar en tut 13 persunas. Quai ha il directur da las pendicularas da Breil-Vuorz-Andiast Beat Zenklusen confermà ad RTR. L’entira acziun haja gnanc cuzzà in’ura, i haja betg dà in privel per ils skiunzs. Curt saja la pendiculara puspè stada en funcziun.

RR novitads 11:30