Anfang Bildergalerie
Bildergalerie überspringen
-
Bild 1 von 12. La buda da burgers è arsa cumplettamain e vegn transportada davent. Bildquelle: RTR, Carlo Albin.
-
Bild 2 von 12. Il bully tira davent la buda da grill. Bildquelle: RTR, Carlo Albin.
-
Bild 3 von 12. Cun in bully da pistas han ils pumpiers allontanà la buda da burgers. Bildquelle: RTR, Carlo Albin.
-
Bild 4 von 12. Cun agid d'in tractor è la buda vegnida allontanada da la terrassa da la bar. Bildquelle: RTR, Carlo Albin.
-
Bild 5 von 12. Ils pumpiers èn vid allontanar la buda cun agid d'in tractor. Bildquelle: RTR, Carlo Albin.
-
Bild 6 von 12. La buda è arsa cumplettamain. Bildquelle: RTR, Carlo Albin.
-
Bild 7 von 12. La buda è stada gist dasper la terrassa da la Legna bar. Bildquelle: La buda da burgers è arsa cumplettamain e vegn transportada davent.
-
Bild 8 von 12. Purtret da la buda da burgers ars a Flem. Bildquelle: MAD.
-
Bild 9 von 12. Betg lunsch davent da la bar gist a la staziun da las pendicularas ha la buda da grill brischà. Bildquelle: MAD.
-
Bild 10 von 12. La buda arsa a Flem, betg lunsch davent da la staziun da las pendicularas. Bildquelle: MAD.
-
Bild 11 von 12. Davosvart è da vesair la chasa da las pendicularas. Davantvart la saiv da la Legna bar. Davos quella sa chatta la buda arsa. Bildquelle: MAD.
-
Bild 12 von 12. Vista da davos la Legna bar a Flem. Bildquelle: MAD.
Ende der Bildergalerie
Zurück zum Anfang der Bildergalerie.
- Tar il fieu en la buda hai dà nagins blessads
- Il bajetg gist dasper la buda n'è betg stà pertutgà dal fieu
- Il fieu è rut or pervi d'ina frittera en la buda
La buda da burgers gist dasper la Legna bar a Flem ha cumenzà ad arder oz avantmezdi. Las 11:14 èn ils pumpiers da Flem vegnids alarmads ed èn ids al plaz. Gia las 11:30 è il fieu puspè stà stizzà. En tut èn ils pumpiers stads en acziun cun 20 persunas dals pumpiers da Flem. Quai ha ditg ad RTR il cumandant dals pumpiers, Albert Christoffel.
Ils pumpiers da Trin èn era vegnids alarmads perquai che la buda sa chatta gist dasper ina bar che consista per gronda part da lenn. Quels èn dentant puspè turnads a mesa via perquai ch'il fieu è stà stizzà uschè svelt.
RR novitads 14:00