En questa stalla sa chattavan in giagliner, ina butia ed ina halla da maschinas. Er las radund 2000 giaglinas sajan crappadas. Sco quai ch'il cumandant da pumpiers da Glion, Gion Casaulta, ha ditg sin dumonda da RTR, sajan els vegnids alarmads curt suenter mesanotg.
Cura ch’els sajan arrivads al lieu brischava la stalla dentant gia dal tut, uschia ch’i saja mo pli stà pussaivel da proteger ils bajetgs vischinants da las flommas. La raschun, daco ch’i haja brischà, na saja anc betg enconuschenta. La polizia investighescha en chaussa.
RR novitads 11:00