Surtut il tutgiez quotidian da la bunura a las 05:30 aveva procurà per malcuntentientscha. Sin iniziativa da plirs convischins ha la plaiv lura convocà ina radunanza extraordinaria per chattar soluziuns. Questa era sa decidida l'entschatta favrer per la varianta dad isolar il clutger dadens, l'uschènumnada «stiva dals zains». Lamellas da lenn duain absorbar ina part dal tun ed uschia reducir il volumen dal tun. Il credit deliberà munta a 16'000 francs.
Ulteriurs credits per sanaziuns ed orgla a Ruschein
Ils custs per la sanaziun totala da la chasa pravenda a Ruschein muntan a circa 750'000 francs. Sper ina abitaziun per il plevon datti era trais pitschens locals d'inscunter per la plaiv. Per ina nova orgla en la baselgia S. Gieri dat la plaiv in credit da 260'000 francs e la caplutta S. Antoni po vegnir sanada per 205'000 francs.
RR actualitad 12:00