Valentin Vincenz siemia anc oz da quai ch’el ha fatg atras – era sch’igl è capità avant blers decennis. Anc sco persuna creschida n’ha el betg ristgà da discurrer davart la violenza sexuala ch’el ha vis u subì si d’alp. Gnanc a sia dunna ha l'um, ch'è creschì si ad Andiast e viva a Buchs, vulì sa confidar.
Ma il romanist ed autur da plirs cudeschs ha adina puspè fatg notizias e sco um pensiunà ha el la finala decidì da scriver in roman. En lez na tracta el betg mo atgnas regurdientschas, mabain era il maldiever sexual dad auters buobs pertutgads.
Impurtant è da discurrer surlonder ed insaco laschar ir ora las regurdientschas ch’ins ha ditg serrà en.
In tema pauc enconuschent
Davart il destin dals Schuobacheclers hajan las medias rapportà bler ils ultims decennis. Ed era l’istorgia da las unfrendas da plazzaments administrativs hajan ins lavurà si politicamain. Dals buobs dad alp malduvrads hajan ins fin ussa dentant strusch discurrì, scriva l’autur en il pled sin via.
RR actualitad 08:00
Or da l'archiv:
RR actualitad 08:00