Siglir tar il cuntegn

Header

video
Auto da posta è vegnì tratg siador
Or da sil punct dals 04.08.2020.
laschar ir. Durada: 2 minutas 21 Secundas.
cuntegn

Accident a Sagogn Auto da posta è vegnì tratg siador

L'auto da posta ch'è ì la dumengia saira sur la via tranter Flem e Glion e crudà radund 40 meters en la profunditad è vegnì tratg siador glindesdi saira. Pervia da l'acziun pli gronda è la via stada serrada da las 19:00 fin mesanotg.

Perquai che l'auto da posta era gist sin viadi vid, era sulettamain il chauffeur en il bus. Entras l'agid stradal dals pumpiers da Glion, in medi da Flem ed il servetsch da salvament han ins pudì deliberà il chauffeur or dal bus e transportà el en l'ospital regiunal Surselva. Tenor communicaziun da la polizia è l'um vegnì blessà mez-grev.

L'accident è capità la dumengia saira. Il bus ch'era da viadi en direcziun Glion è vegnì sut la curva Fletg giud via ed è crudà var 40 meters dad ina spunda giu.

audio
Per tadlar: las novitads da las 12:00
ord RTR Audio dals 03.08.2020. Maletg: RTR
laschar ir. Durada: 4 minutas 48 Secundas.

RTR novitads 11:00 +

Artitgels legids il pli savens