Sin il viadi da Glion vers Flem ha in automobilist pers sonda saira la controlla da ses auto. Quel è collidà cun dus auters autos. Duas persunas èn vegnidas blessadas.
Legenda:
Dus autos che vegnivan encunter èn vegnids donnegiads, duas persunas han stuì vegnir transportadas en l'ospital.
PoCha
Durant ses viadi ha l'automobilist (43) strivlà la saiv directiva da sia vart dretga. Tras quella strivlada ha l’auto pers la roda davant-dretga ed è glischnà sin l'auter vial. Là è l'auto collidà cun dus autos che vegnivan ord direcziun Flem ed ha donnegià quels considerablamain.
Sinaquai è l’auto schlittond cupitgà sin tetg. In manischunz vegnind ord direcziun Flem e sia passagiera èn vegnì transportads cun l’ambulanza en l’ospital regiunala Glion.
Las autoritads investigheschan co ch'igl è vegnì tar l'accident.
