Siglir tar il cuntegn

Header

via cun plazzal e tunnel da Carrera a Valendau
Legenda: L'accident è capità en il tunnel da Carrera che vegn actualmain engrondì. RTR, Linus Livers
cuntegn

Accident a Valendau Via serrada per motivs da segirtad

Glindesdi saira tard hai dà en il tunnel da Carrera a Valendau in accident da lavur. In lavurer è vegnì tutgà da material ch'è crudà giu da la cuverta dal tunnel. Il material ha sepulì el parzialmain. Collegas da lavur han deliberà el. Silsuenter ha l'ambulanza transportà el en l'ospital chantunal a Cuira.

Ord motivs da segirtad ha il chantun serrà la via. In sviament è signalisà. La proxima infurmaziun è annunziada sin la pagina dal chantun per gievgia endamaun a partir da las 06:00.

audio
Per tadlar: Las novitads da las 16:00
03:27 min, RTR Audio dals 22.06.2021.
laschar ir. Durada: 03:27 minutas.

RTR novitads 16:00

Artitgels legids il pli savens

Scrollar a sanestra Scrollar a dretga