Siglir tar il cuntegn

Header

Collisiun auto da furniziun e camiun
Legenda: Polizia chantunala
cuntegn

Accident Collisiun a Flem

Gliendisdi suentermezdi è in auto da furniziun sa glischnà e collidà cun in camiun. En consequenza è il tunnel da Flem stà serrà per duas uras.

In auto da furniziun ch'era da viadi da Trin direcziun Laax è collidà curt suenter il tunnel da Flem cun in camiun che vegniva encunter. Sco la polizia chantunala scriva è l'automobilist sa glischnà e vegnì sin il vial oppost.

Il tunnel da Flem è stà serrà per duas uras

Tar la collisiun cun il camiun è il manischunz da l'auto da furniziun vegnì blessà ed ha stuì vegnir transportà en l'ospital. Durant duas uras è il tunnel da Flem stà serrà ed il traffic è vegnì manà tras il vitg da Flem. La polizia eruescha uss ils detagls da l'accident.

RTR novitads 12:00

Artitgels legids il pli savens

Scrollar a sanestra Scrollar a dretga