Siglir tar il cuntegn

Header

cuntegn

Surselva Accident cun trais blessads a Mustér

A Mustér ha in auto midà vial ed è glischnà sin il passape la mesemna saira. Là ha el tschiffà ina gruppa da scolars. Trais persunas èn vegnidas blessadas.

Ina gruppa da tschintg scolars sa chattava la mesemna saira sin il passape, cura ch'il manischunz è vegnì giu da la via. L'auto ha tschiffà dus giuvenils: in giuven ha rut tuttas duas chommas ed ina giuvna è vegnida blessada levamain. Ambulanzas han purtà ils blessads en l’ospital regiunal a Glion. In'ulteriura giuvna è sa blessada tar l'emprova da guntgir l'auto. Ella ha però pudì vegnir tractada ambulant, scriva la Polizia chantunala.

Tar ils blessads sa tracti d'ina gruppa da giuvenils da 13 onns dal chantun Tessin ch'è per in champ da skis a Mustér. Il manischunz da 32 onns vegniva da Sedrun. Tenor il test da suflar era el alcoholisà ed ha immediat stuì dar giu il bigliet. La Procura publica e la Polizia chantunala scleran ussa las circumstanzas exactas da l'accident.

RR novitads 12:00

Artitgels legids il pli savens