Accident d'auto a Sursaissa - Giuvenil cun grevas blessuras vi dal chau

A Sursaissa hai dà la notg sin dumengia in accident cun in auto. In giuvenil è sa blessà grevamain vid il chau quai pervia ch'el ha stendì il chau or da la finiastra e pitgà el uschia vid in mir. Trais giuvenils èn charrads cun in auto vers las trais la damaun da Sursaissa en direcziun Son Martin. A Son Martin ha il giuven da 17 onns, che seseva sper l'automobilist, stendì il chau ord la fanestra. En in lieu che la via è stretga ha el pitgà il chau vid in mir-chasa ed è uschia sa blessà grevamain. In team da l'ambulanza da Glion ha tgirà il giuvenil al lieu, silsuenter ha la Rega sgulà el en l'Ospital chantunal a Cuira.