A Sursaissa Meierhof hai dà la gievgia suentermezdi in accident en in lavuratori da scrinari. Ina dunna da 54 onns è sa tagliada duas giadas cun ina fresa en il bratsch sut. Sco quai che la Polizia chantunala scriva, è il bratsch bunamain separà dal tut. La dunna ha pudì ir sezza en la chasa vischina, nua ch'abitants han transportà ella tar il medi. La REGA ha lura sgulà la dunna grevamain blessada en l'ospital universitar a Turitg. La polizia sclerescha il motiv da l'accident.
RR novitads 12:00