Durant in di da fufragnar il para-sgular en il territori Foppa a Flem il mardi è in um da 26 onns sa blessà mez grev. Suenter l'introducziun en la teoria l'avantmezdi han ils participants pudì far emprimas emprovas il suentermezdi. Durant ina tala emprova è l'um s'auzà vers las 14.30. Pervi d'in sbagl d'utilisaziun ed ina situaziun da vent betg ideala saja l'um crudà giu ord in'autezza da var 5 meters, scriva la polizia chantunala. La Rega ha sgulà l'um cun blessuras mez grevas dal dies en l'Ospital chantunal a Cuira.
RR novitads 11:00