Datiers da Glion è in lavurer stradal vegni glindesdi suentermezdi sut in char a motor ch'è cupitgà. L'um da 25 onns haja gì cletg e saja sa blessà mo lev, ha communitgà la Polizia chantunala.
L'accident è capità tar in plazzal sin la via da Ladir. La via sut il char a motor è sa sbassada e perquai è il char cupitgà da la vart en il foss dal plazzal e sin il lavurer. Ils conlavurers hajan reagì immediat, sajan s'occupads dal blessà ed hajan alarmà l'ambulanza, scriva la polizia. Il blessà è vegnì transportà en l'ospital a Glion.