Legenda:
L'accident è capità sin la via principala a Tavanasa.
pocha
cuntegn
Surselva - Accident mortal a Tavanasa
Il mardi (12-4) suentermezdi è in auto da persunas collidà cun ina dunna sin la via principala a Tavanasa. Durant la notg sin la mesemna è la dunna morta entras las grevas blessuras.
La dunna da 78 onns ha traversà la via principala a Tavanasa las 15:45 uras. In automobilist da 58 onns che charrava da Glion direcziun Tavanasa ha empruvà da guntgir la peduna. Ma l’auto è collidà frontal cun la dunna.
La dunna è vegnida transportada cun la Rega a Cuira. En l’ospital chantunal è ella morta intginas uras pli tard. La polizia chantunala e la procura publica dal chantun Grischun sclereschan ussa da rudent quest accident.
