La gievgia tard suentermezdi èn duas persunas cun skis e splitboard idas da Tenna sin il Schlüechtli. Cun descender vers Versomi hajan els in suenter l’auter vulì passar tras ina costa stippa sur il Runggatobel, ha communitgà la polizia chantunala.
Il skiunz da turas da 27 onns ch’è partì sco emprim ha lura distatgà ina lavina, e quella al ha sutterrà. La Rega ch'è vegnida alarmada ha chattà l'um mort.
En la gronda part dal Grischun regia anc adina in privel da lavinas considerabel – stgalim 3.