Il venderdi suentermezdi è in lavurer vegnì tschiffà d’in exchavatur ed anc mort al plaz d’accident. Quai scriva la Polizia chantunala dal Grischun. L’um oriund dal Portugal era vi da lavurs stradalas sut l’alp Ruschein. In exchavatur era vi da prender terratsch da la spunda da la via e stgargiar quel rodund 10 meters da la via giu.
Il disgrazià era vi da densifitgar il material sin la via cun ina splattitscha pitschna. L’um da 26 onns è vegnì tschiffà da l’exchavatur, daco na san ins anc betg. Collegas da lavur hajan immediat dà emprim agid ed alarmà il salvament. Ina crew da la Rega ha tractà il lavurer cun medischina d’urgenza, ma las blessuras èn stadas memia grevas e l’um è mort anc al plazzal. La polizia e la procura publica sclereschan l’andament da l’accident.