Mesemna saira a las 18:15 ha la polizia survegnì l'annunzia che ina saiv saja rutta a Sum la Val sur Duvin. Fastizs laschian supponer che in vehichel saja crudà giu en ina chavorgia. La persuna ch'ha annunzià il cas ha gì tema che ses bab saja stà cun il chargiader da rodas en questa regiun e lura sa disgrazià.
Ils pumpiers da Glion han constatà vers las 19:30 ch'ina maschina da lavur sa chattia en la chavorgia. Curt pli tard han ins lura chattà la bara da la persuna sparida. Las forzas da salvament hajan be pli pudì constatar la mort da l’um, sco che la polizia chantunala scriva.
La polizia chantunala intercurescha uss il motiv da l'accident.