Sin viadi da Glion vers Flond en Surselva – è ina giuvna da 19 onns vegnida giud via cun ses auto da furniziun. Ils pumpiers han stuì gidar.
Curt avant Flond è la giuvna collidada l’emprim cun ina costa e lura cun ina saiv directiva. Silsuenter è ella crudada cun ses auto radund 50 meters d’ina chavorgia giu. In automobilist che ha observà l’accident, ha alarmà la polizia.
Sco la polizia chantunala ha communitgà, hajan ils pumpiers stuì gidar la chauffeusa or da la chavorgia. Senza blessuras visiblas, ha in’ambulanza transportà la giuvna per ina controlla en l’ospital a Glion.
audio
Per tadlar: Las novitads da las 18.00
ord RTR Audio dals 17.07.2020.
Maletg: RTR
laschar ir. Durada: 5 minutas 45 Secundas.