Surselva - Acziun singulara sin la Via dal Lucmagn
En in’acziun da notg spectaculara èn vegnidas allontanads ils elements da vial da las punts Tuf e Chischlatsch sin la Via dal Lucmagn tranter Mustér e Curaglia.
Perquai ch’il material n'ha betg dastgà crudar en la chavorgia dal Rein da Medel, han ils vials da betun stuì vegnir resgiads en tocca ed auzads ora cun ina crana speziala - in'acziun che n'è anc mai vegnida fatga uschia, ha ditg Daniel Blumenthal il mainafatschenta da la firma Valaulta Berni.
Nagins incaps
Las lavurs ch'han cuzzà 7 uras hajan pudì vegnir fatgas senza incaps. La damaun a las 05:00 sajan quellas stadas a fin. Proximamain po cumenzar la construcziun da las punts novas.