Adrian Deflorin è il nov president dal cussegl da vischnanca per l'onn 2022. La vicepresidenta Helga Probst-Linder è vegnida elegida unanimamain sco nova parsura.
Gea a credit per rempar Val Acletta
Plinavant ha il cussegl communal approvà in credit da 622'800 francs per la sanaziun e renovaziun dal rempar da la Val Acletta per mauns da la votaziun a l'urna dals 13 da favrer 2022. Ils custs totals muntan a passa 1,7 milliuns francs. Mustér po dentant quintar cun contribuziuns chantunalas e federalas da bun 1,1 milliuns francs. Motiv per la sanaziun è l'intensitad da las malauras dals davos onns che han chaschunà donns considerabels vid ils stabiliments da protecziun en la Val Acletta.