Siglir tar il cuntegn

Header

cuntegn

Surselva Adversaris da Stoffel van avant dretgira

Ils iniziants ch'avevan lantschà in'iniziativa che pretenda che Remo Stoffel paja immediat ils 6 milliuns per la Therme, tiran vinavant la decisiun da la suprastanza da Val tar la dretgira administrativa chantunala.

Quai è vegnì enconuschent ier saira a la radunanza communala da Val. La vischnanca aveva annullà l'iniziativa perquai che Remo Stoffel haja gia pajà ils 6 milliuns francs e perfin empermess 4,5 milliuns supplementars per la halla polivalenta da la vischnanca.

La decisiun da bajegiar in halla polivalenta è crudada il mars da quest onn e quai cun gronda maioritad. Perquai è la suprastanza da Val vegnida a la conclusiun che l'iniziativa saja gia ademplida.

Betg chattà il discurs

La suprastanza haja tschertgà il discurs cun ils iniziants mo quai saja la finala betg stà pussaivel di Schmid. Er il fatg ch'ils daners da Remo Stoffel pretais en l'iniziativa sajan gia sin il conto da la vischnanca n'hajan betg persvas ils iniziants.

audio
Bunura: Iniziativa a Val S. Pieder vul far pajar Stoffel davant dretgira
ord Actualitad dals 18.06.2016.
laschar ir. Durada: 2 minutas 10 Secundas.

Ils arguments dal iniziants ch'han tratg vinavant il cas tar la dretgira administrativa n'èn betg stads d'eruir. Dals emprims che han suttascrit l'iniziativa n'era nagin preschent a la radunanza communala da venderdi saira.

La suprastanza è dal maini d'avair bunas schanzas avant dretgira, manegia Schmid ed el deplorescha ch'i na saja betg stà pussaivel d'evitar quest pass giuridic dals iniziants.

Artitgels legids il pli savens