Siglir tar il cuntegn

Header

cuntegn

Agid ord l'aria Marcus Levy – l’anghel da Schlans

Ina sonda suentermezdi dal november 2002 ha ina bova chaschunà gronds donns en il vitg da Schlans. Mo grazia a l’engaschi dal pilot da helicopters Marcus Levy da Mustér e ses gidanters, Toni Dermon ed Albert Pfister, èn tut las persunas vegnidas salvadas.

Anc adina sa regorda Marcus Levy da quest eveniment. Alura aveva el 44 onns. Cura ch’el saja vegnì al plaz da lavur a la basa da helicopters a Tavanasa haja el survegnì in telefon: A Schlans saja ina bova vegnida. El haja detg, era da quest'aura emprov jau, sch'jau pos sgular a Schlans. Quai di vesevan ins gnanc 20 meters lunsch, mo el haja alura vis il dischurden.

Ir al limit per gidar

Cura ch’i giaja per il privel da vita, giajan ins al limit per sa gidar, di il pilot da helicopters. Pir suenter l’acziun haja el dentant realisà, tge ch'era schabegià. Ed alura haja ina dunna fatg attent, ch’el saja sin l’emprima pagina en il Blick.

Per me è quai sco sch’inzatgi schess: Engraziel fitg, ti has fatg buna lavur. Ed jau turnass a far quai.
Autur: Marcus Levypilot
Il titel en il Blick.
Legenda: Il titel en il Blick. Marcus Levy

Stizzar fieus e salvar persunas

Marcus Levy sgola anc adina, uss mintgatant era cun il Superpuma. El sgola per stizzar fieus ubain era per salvar persunas.

RR actualitad 08:00