Surselva - Alois Carigiet en il museum naziunal svizzer

Legenda: Las plumpas stoppian traglischar quai e sta in giavisch da la curatura da l'exposiziun a Turitg RTR, L. Livers

L’Exposiziun ha num Art Grafica ed Uorsin. Quest onn èsi 30 onns dapi la mort da l'artist ch'è naschì e mort a Trun.

Or dal museum regiunal Surselva vegnan 12 tocs exponids a Turitg, quai èn stgellas e plumpas, sutgas e skis vegls da lain.

Or da la Cuort Ligia Grischa da Trun vegnan tramess a Turitg trais maletgs originals or dal cudesch Flurina, plinavant la paletta da malegiar da Alois Carigiet, sco era la schlittada engiadinaisa, ina sculptura or dal Giapun che mussa Uorsin e Flurina sin la schlieusa.

audio

Bunura: Alois Carigiet en il Museum naziunal svizzer

03:10 min, ord Actualitad dals 13.05.2015.

laschar ir. Durada: 3 minutas 10 Secundas.

Tut la tocca che vegn exponida ha da far insatge cun la vita da l'artist, betg en quai senn ch'i fissan ils skis d'Alois Carigiet ni forsa ina da sias atgnas stgabellas, na igl è simplamain la vita ch'el ha dessegnà. Per il museum regiunal Surselva èsi ina onur da pudair cumplettar l'exposiziun sur da l'artist Sursilvan cun tocca or dal agen museum.

Legenda: Uorsin e Flurina els en gia pachetads per l'exposiziun a Turitg RTR, L. Livers

L’exposiziun a Turitg entschaiva ils 12 da zercladur e cuzza fin la fin da december.