La societad purtadra Alpinavera ha gia pudì certifitgar 2'100 products regiunals. Quatter chantuns fan part dad Alpinavera, numnadamain il Tessin, l'Uri, la Glaruna ed il Grischun. In'autra chaussa che vegn organisada da la Alpinavera èn las fieras sin ils pass durant la stad. 10 fieras èn previsas questa stad sin ils pass. Da nov datti il settember er trais fieras dasper ils lais dal Tessin.
Fiera sin il Lucmagn
La fiera sin il Pass dal Lucmagn da la fin d'emna passada è stada bain visitada, ils giasts èn vegnids dal Tessin e dal Grischun tut a dubel. Per part devi strusch avunda parcadis per tut ils visitaders. Blers han fatg quest viadi sin il pass per giudair la bell’aura e cumbinà quai cun visitar la fiera.
Sin 25 stans han ils expositurs pudì vender lur products certifitgads. Las spezialitads da trais chantuns (Uri, Tessin e Grischun) eran bain preschentadas ed han fatg gust als visitaders.
