Siglir tar il cuntegn

Header

cuntegn

Surselva Alpsu: Probabel curseschan ils trens puspè davent da sonda

Sin il pass da l'Alspsu vegn lavurà intensiv per pudair avrir il traject per ils trens. Ils donns èn dentant considerabels.

Il glindesdi a las 6.15 è vegnì giu ina lavina sin il Pass da l'Alpsu che ha fatg donns vi da l'infrastructura da la Viafier Matterhorn Gottard da 200'000 fin 350'000 francs. Sco quai che Guido Monn, il responsabel per l'infrastructura ed il mantegniment tranter Oberwald, Göschenen e Mustér ha ditg ad RTR sappia nagin sa regurdar ch'ina lavina saja ina giada vegnida giu en quest lieu ed haja cuntanschì ina part dalla staziun sin il Pass da l'Alpsu. La lavina ha derschì, signals, pitgas da la lingia d'electricitad e donnegià ils fundaments. Ella haja gì ina ladezza da radund 100 meters ed emplunà la naiv sin passa trais meters autezza. Tochen ier saira er vegnì rumì la naiv, uschia ch'ins possia cumenzar cun las lavurs da reparatura.

Sche las lavurs s'avanzan senza pli gronds problems spera Guido Monn, ch'ils trens possian puspè cursar davent da sonda sur il Pass da l'Alpsu.

RR novitads 06:00

Artitgels legids il pli savens