Passa 200'000 francs paja la vischnanca da Tujetsch per l'anteriur alloschi da truppas sin l'Alpsu, annunzia il «Sonntagsblick». Cura che Armasuisse aveva scrit ora l'object la stad passada era la valita da quel inditgada cun 170'000 francs. 17 offertas sajan arrivadas per ils bajetgs sin l'Alpsu. La vischnanca haja nizzegià ses dretg da precumpra, citescha la gasetta il pledader d'Armasuisse.
Per il turissem
Tujetsch haja cumprà l'areal en l'interess da la regiun Andermatt-Sedrun-Mustér, ha il president communal Beat Roeschlin ditg sin dumonda da la gasetta. La finamira saja dentant da nizzegiar l'areal per intents turistics. Co quels vesan ora concret n'è anc betg cler. Interess vi dal project ha er la Andermatt Swiss Alps SA da Samih Sawiris. Els sajan en discurs cun la vischnanca Tujetsch, ha il pledader ditg.
RTR novitads 09:00
