Siglir tar il cuntegn

Header

Las andas selvadias a Fontanivas.
Legenda: Las andas selvadias a Fontanivas. RTR, H. Giger
cuntegn

Surselva Andas selvadias giaudan l’enviern a Fontanivas

Intgins utschels stattan l’enviern tar nus, per exempel las andas selvadias. Sin il lajet dal campadi a Fontanivas (1052 m s.m.) chattan ins actualmain radund 40 andas selvadias.

In pèr, dretg l'anda mastgel.
Legenda: In pèr, dretg l'anda mastgel. Thomas Bieler, ornitolog da Rabius.

Sco l’ornitolog Thomas Bieler da Rabius ha ditg ad RTR, haja el era gia vis quest animal sin il lai da Laus sin 1600 meters sur mar. Las andas selvadias sajan robustas, ellas sa nutreschian da plantas ed era d’animals en l’aua e da verms.

I dat pli e pli bleras andinas, era sisum la Surselva. Tenor Thomas Bieler datti plirs motivs persuenter: il squitsch da chatscha na saja betg pli uschè grond, il clima sa midia e probabel guntgeschian ellas autras andas e vegnian perquai en nossa regiun.

Cura ch’ins vegn datiers dal lajet a Fontanivas, s’avischinan ellas. Quai è ina ensaina ch’ellas survegnan adina puspè paun.

Mo igl n’è betg bun da dar paun ad ellas. Perquai recumondan spezialists d’utschels da betg dar da quai a quests animals.

Artitgels legids il pli savens

Scrollar a sanestra Scrollar a dretga