Siglir tar il cuntegn

Header

audio
Mezdi: Cartas dal di favuraivlas per Andermatt-Sedrun-Mustér
Or da Actualitad dals 18.11.2019.
laschar ir. Durada: 02:40 minutas.
cuntegn

Andermatt-Sedrun La finamira èn 600’000 skier-days

Las duas pendicularas en la regiun dad Andermatt-Sedrun- Mustér han lantschà in'acziun speziala. La finamira è da reducir il pretsch da la carta dal di per ir cun skis – quai cun in abunament da mez pretsch, cun plirs bus che van dad Andermatt a Lucerna, Basilea, Turitg e Winterthur e trens spezials che van la sonda da Turitg ad Andermatt. Quai per ina carta dal di dad ir cun skis (inclusiv traffic public) da 69 enstagl dad 84 francs.

Laschar l'auto a chasa

Ina finamira da quest’acziun è da reducir il traffic individual, sco il responsabel per medias da la Andermatt Swiss Alps, Stefan Kern, di. Els hajan numnadamain paucs parcadis ad Andermatt ed ina schliaziun a curta vista na dettia quai betg per quest problem. Ina idea saja da crear novs parcadis ad Andermatt ubain era a Göschenen, u da bajegiar ina chasa da parcar.

Crescher anc per 30 %

Las Pendicularas Andermatt-Sedrun Sport han gì success l’enviern passà cun ca. 450’000 skier-days. La finamira è dentant da crescher anc per 30% a var 600’000 skier-days. Sco Stefan Kern di, stoppian las pendicularas avair pli blers giasts per pudair amortisar las investiziuns da passa 130 milliuns francs en il territori da skis.

Skier-days

Personen-Box aufklappenPersonen-Box zuklappen

Sut la noziun skier-days dumbran ins ils giasts che dovran en in di l'emprima giada in runal, sutgera u pendiculara d'in territori da skis. Vul dir, er sche quel giast dovra durant quel di plirs implants u sutgeras etc. en quest territori, vegn el dumbrà be ina giada.

RR actualitad 11:00