Las emprimas lavurs èn da stuschar ensemen la naiv, sco Daniel Meyer, il manader tecnic, ha declerà. Suenter che las stangas da la pista èn davent e las rollas cun la folia fermadas vid il grip, vegnan quellas rasadas ora ina sper l’autra. Per ch’ellas tegnan, vegnan las folias cusidas ensemen e fixadas cun satgs da sablun.
Cuvrir 35'000 meters quadrats
Il glatscher da Gurschen vegn cuvert sin 12’000 meters quadrat. En tut – inclusiv ils deposits da naiv – cuvran ils lavurers da quai da 35’000 meters quadrats. Uschia possian els mantegnair 60% fin 70% dal volumen da naiv ed era mantegnair il glatscher. Ina consequenza da la mesira è, ch’ins po proteger la staziun da muntogna al Gemsstock.
Gia dapi 10 onns vegn era il glatscher dal Vorab cuvert
RR actualitad 08:00
