In'arma è per Andri Tomaschett insatge fitg persunal, insatge ch'è da tractar cun gronda precauziun. Precauziun e precisiun èn era abilitads ch'el dovra en ses mastergn. Dentant era en il temp liber cura ch'el va sez a sajettar: «Blera gnerva, vegnir da tegnair la gnerva, pazienza e cunzunt esser ferm en il chau», quai sajan qualitads che fetschian ora in bun tiradur, di Andri Tomaschett.
Oriundamain aveva el emprendì da scrinari, suenter ha el fatg il mastergn da fravi d'armas. Quest onn sco sulet en il Grischun. Dacurt è Andri Tomaschett ì a lavurar a Glaruna, là vul el rimnar novas experientschas e pli tard lura turnar enavos en la patria per avrir sez ina fatschenta.