Siglir tar il cuntegn

Header

video
Purtret Andri Tomaschett, fravi d'armas
Or da Telesguard dals 02.09.2020.
laschar ir
cuntegn

Andri Tomaschett «Auter che dad ir a letg – hai jau quasi adina armas enturn mai»

Andri Tomaschett è il sulet che ha terminà quest onn il mastergn sco fravi d'armas en il Grischun. Armas, quellas accumpognan dentant era il giuven da Trun en ses temp liber. Sco passiunà chatschader e sco tiradur da sport.

In'arma è per Andri Tomaschett insatge fitg persunal, insatge ch'è da tractar cun gronda precauziun. Precauziun e precisiun èn era abilitads ch'el dovra en ses mastergn. Dentant era en il temp liber cura ch'el va sez a sajettar: «Blera gnerva, vegnir da tegnair la gnerva, pazienza e cunzunt esser ferm en il chau», quai sajan qualitads che fetschian ora in bun tiradur, di Andri Tomaschett.

in um en in luvratori.
Legenda: Andri Tomaschett durant sia lavur sco fravi d'armas Ina lavur che pretenda blera precisiun. RTR / Esther Berther

Oriundamain aveva el emprendì da scrinari, suenter ha el fatg il mastergn da fravi d'armas. Quest onn sco sulet en il Grischun. Dacurt è Andri Tomaschett ì a lavurar a Glaruna, là vul el rimnar novas experientschas e pli tard lura turnar enavos en la patria per avrir sez ina fatschenta.

RTR Telesguad 17:40

Artitgels legids il pli savens

Scrollar a sanestra Scrollar a dretga