La petiziun encunter l’antenna da 5G planisada sur il vitg da Rueun è vegnida surdada la mesemna a la presidenta da Glion Carmelia Maissen. Cun la petiziun pretendan abitantas ed abitants da Rueun ch'il proceder da bajegiar vegnia interrut e che la sanadad da la populaziun da Rueun vegnia protegida.
Ins temia e stoppia quintar che las duas antennas existentas vegnian era rinforzadas sin 5G e che la vischnanca da Rueun saja circumdada en futur dad antennas nuschaivlas.
TR Telesguard 17:40
