audio
Bunura: App Anna Catrina - test cun scolars a Glion
ord Actualitad dals 10.11.2015.
laschar ir. Durada: 4 minutas 25 Secundas.
Uschia vul ins sviluppar l’interess per l’istorgia da la citad da Glion tar la giuventetgna. La scola superiura da Rueun è sa declerada pronta da testar quest’app. Ils scolars da Rueun han bain ludà, dentant era crititgà l’app.
Creada per la giuventetgna
Legenda:
Rino Caduff ha sez era scrit differents text per la App Anna Catrina
RTR, L. Livers
L'app saja interessanta, mo ins stoppia leger memia bler, han constatà ils scolars. Rino Caduff, il president da la societad Anna Catrina, è leds da questa critica. Il test cun la scola da Rueun vegnia uschia a meglierar l’app.
L’entir viadi cun l’app tras la citad veglia da Glion dura tranter 30 e 40 minutas. Sin quest viadi informescha l'app sur da differents stgazis da la citad da Glion. La finamira da l’app è dentant da manar las persunas tar in stgazi da munaida ch'i dat vairamain – dapli na vegn betg tradì.