- La petiziun è drizzada direct a papa Francestg.
- Aifer tschintg dis 1'322 suttascripziuns
- Mintga plevon duai pudair decider sez, sch'el vul mari
- dar u betg.
La motivaziun da far questa acziun prend jau ord la persvasiun ch'i na dat da la teologia ennà nagin sforz dad esser celibatar per esser in spiritual.
audio
Bunura: Breil - Petiziun cunter il celibat
ord Actualitad dals 18.09.2018.
laschar ir. Durada: 2 minutas 6 Secundas.
L'inizianta da la petiziun è Florentina Camartin. Ella è plain speranza che quai vegnia a midar insatge. Pli blers che suttascrivian e pli grond l'effect, manegia ella.
Mes sentiment di che blers èn da l'opiniun da laschar maridar ils prers.
Suprastanza dal Corpus catholicum vesa paucas schanzas
Che la petiziun da Florentina Camartin haja in effect direct sin l'obligatori dal celibat per plevons catolics dubita Thomas Bergamin da la suprastanza dal Corpus catholicum grischun. Tenor el haja quai gia dà bleras sumegliantas petiziuns, ma nagina cun grond success.
audio
Bunura: Corpus catholicum davart petiziun cunter il celibat
ord Actualitad dals 19.09.2018.
laschar ir. Durada: 2 minutas 3 Secundas.
Ch'i vegnia dentant reacziuns da la basa en direcziun Roma saja tuttina impurtant. Sch'i dettia numnadamain adina puspè da quels resuns lura na sappia er papa Francestg betg snegar quels giavischs.
video
Florentina Camartin e sia petiziun per abolir il celibat obligatoric
Or da Giuventetgna dals 17.09.2018.
laschar ir. Durada: 1 minuta 13 Secundas.
RR actualitad 06:00
