Siglir tar il cuntegn
Inhalt

Surselva Appel al papa: Florentina Camartin lantscha acziun cunter celibat

Il moviment da Breil va vinavant: 1'322 han gia suttascrit online la petiziun da Florentina Camartin. Per il Corpus Catholicum saja quai in'acziun sco ch'igl ha gia da autras, ma tuttina in signal impurtant da la basa, di l'organisaziun a RTR.

Legende: Video Florentina Camartin ha lantschà ina petiziun cunter il celibat abspielen. Laufzeit 04:40 Minuten.
Or da Telesguard dals 18.09.2018.
  • La petiziun è drizzada direct a papa Francestg.
  • Aifer tschintg dis 1'322 suttascripziuns
  • Mintga plevon duai pudair decider sez, sch'el vul mari
  • dar u betg.
La motivaziun da far questa acziun prend jau ord la persvasiun ch'i na dat da la teologia ennà nagin sforz dad esser celibatar per esser in spiritual.
Autur: Florentina Camartinpensiunaria

L'inizianta da la petiziun è Florentina Camartin. Ella è plain speranza che quai vegnia a midar insatge. Pli blers che suttascrivian e pli grond l'effect, manegia ella.

Florentina Camartin

Personen-Box aufklappenPersonen-Box zuklappen

L'inizianta da la petiziun è Florentina Camartin (75) da Breil. Ella sezza ha renunzià ad ina lètg ed ha agì durant 39 onns sco mungia per la claustra dad Ingenbohl/SZ. Dapi il 2009 è ella commembra dal terz urden da sontg Francestg, in urden da laics.

Mes sentiment di che blers èn da l'opiniun da laschar maridar ils prers.
Autur: Florentina Camartinpensiunaria

Suprastanza dal Corpus catholicum vesa paucas schanzas

Che la petiziun da Florentina Camartin haja in effect direct sin l'obligatori dal celibat per plevons catolics dubita Thomas Bergamin da la suprastanza dal Corpus catholicum grischun. Tenor el haja quai gia dà bleras sumegliantas petiziuns, ma nagina cun grond success.

Ch'i vegnia dentant reacziuns da la basa en direcziun Roma saja tuttina impurtant. Sch'i dettia numnadamain adina puspè da quels resuns lura na sappia er papa Francestg betg snegar quels giavischs.

Legende: Video Florentina Camartin e sia petiziun per abolir il celibat obligatoric abspielen. Laufzeit 01:13 Minuten.
Or da RTR Social dals 17.09.2018.

RR actualitad 06:00