Siglir tar il cuntegn

Header

cuntegn

Surselva Approvà la constituziun per mauns dal suveran

Il project da fusiun da las vischnancas da Sursaissa e Mundaun ha fatg in ulteriur pass. Il mardis saira han vischinas e vischins da las duas vischnancas tractà il sboz da la constituziun communala ed approvà quel.

Cun 99 encunter duas vuschs ha la radunanza communala approvà la constituziun communala per mauns da la votaziun al l’urna dals 18 d’october 2015.

Unanimamain han ils preschents lura approvà la lescha davart votaziuns ed elecziuns. E suenter insaquantas dumondas han els era acceptà la lescha da taglia da la vischnanca futura.

L'urari da la fusiun

Suenter la radunanza ha la suprastanza transitorica orientà vischinas e vischins davart ils proxims pass dal project da fusiun. Suenter la votaziun a l’urna davart la constituziun communala è previs ina saira da discussiun cun preschentar las candidatas ed ils candidats per ils gremis communals ils 30 d’october 2015. Las elecziuns communalas èn alura fixadas per ils 29 da november 2015. Medemamain è previs lura ina festa cun saramentaziun.

RR novitads 12:00

Artitgels legids il pli savens