Siglir tar il cuntegn

Header

cuntegn

Approvà project Proteger via dal Lucmagn cunter crudadas da crappa

La regenza ha approvà il project «Protecziun cunter crudadas da crappa Tuf T2» da l'Uffizi da construcziun bassa. Il project duai proteger la via dal Lucmagn cunter crudadas da crappa. Ils custs per las mesiras previdas importan tut en tut 195 000 francs, scriva il chantun.

La via dal Lucmagn traversa la chavorgia dal Rain da Medel al sid da la vischnanca da Mustér ed è là l'unica colliaziun stradala cun la Val Medel e cun il Pass dal Lucmagn. En la chavorgia dal Rain da Medel mainan ils trajects da via che sa chattan sut tschiel avert, per gronda part per lung da paraids-crap taissas. Quellas èn suttamessas a process d'erosiun ed en numerus lieus datti regularmain crudadas da material ch'arriva fin giu sin la via.

Lukmanierstrasse Projekt für Steinschlagschutz
Legenda: Chantun Grischun

Tranter ils dus tunnels Caschlatsch e Tuf sa chatta il lieu T2 che n'è fin ussa anc betg segirà. Da questa paraid-crap è sa distatgà ils ultims decennis pliras giadas material ch'è mintgamai arrivà fin giu sin la via. Sco protecziun cunter crudadas da crappa èsi tranter auter previs d'allontanar var 300 meters cubic crappa al pe dal grip e da construir ina palissada d'atschal d'ina autezza dad 1,5 meters. Quella dispona da la vart sura d'elements per franar il material. La realisaziun da quest project permetta da reducir considerablamain las ristgas existentas e d'augmentar la segirezza sin la via dal Lucmagn.

Or da l'archiv

Questa stad ha la Pro Lucmagn che s'engascha per tegnair avert il pass er l'enviern festivà ses giubileum da passa 20 onns.

audio
Lucmagn: 20+3 onns dapi l'avertura d'enviern
ord Actualitad dals 07.08.2023. Maletg: RTR
laschar ir. Durada: 4 minutas 10 Secundas.

RTR novitads 10:00

Artitgels legids il pli savens