Ina dunna giuvna aveva pretendì indemnisaziuns da 50'000 francs per las blessuras e consequenzas da l'accident, sco per exempel mal il chau cronic e restricziuns corporalas.
Tge ch’era capità
L'accident era capità il 2005, cura che la dunna aveva 15 onns. Ella è scarsolada cun in’amia da Foppa giu Flem sin la via da scarsolar illuminada. Las duas amias èn scarsoladas sur l’ur da la pista e sur la rait da proteger ora ed èn collidadas cun ina paraid d’ina stalla. L’accusadra ha gì in trauma da la chavazza e dal tscharvè cun ina sanganada. Plinavant ha ella gì donns vi da la spletga ed ha rut in polesch.
La conclusiun
Pervi da las consequenzas da l’accident ha ella purtà plant il 2011 tar la Dretgira dal district Surselva. Sco gia las preinstanzas è era la Dretgira federala vegnì a la conclusiun che la pista da scarsolar da l’Arena Alva haja gì avunda spazi e che la via saja stada signalisada bain.
RR novitads 12:00